معاناة طالب صيدلة

معاناة طالب صيدلة

انظر للساعة فأجدها قد طرقت ابواب الفجر

لازال سريري يدعوني لانام و احلم بالغير

و نعاسي كاد يسبب لي هوسا يقترب من السكر

لكن هيهات و مكتبنا تملأه اوراق القهر

علم الادوية يناديني كي اقتل جزءا من عمري

علم الامراض يطاردني و يشتت لي كل الفكر

اما كيمياء الصيدلة فأعدت دربا للقبر

و علوم اخرى ادرسها قد شاب بأسهلها شعري

امي لازال يؤرقها جهدي المبذول بلا اجر

لازالت تدعو لخالقها ان اخرج من هذا الاسر

قد طلع الفجر و لم يبقى في راسي عقلا للسهر

سأصلي الفجر بلا عقل لا اعرف فاتحة السور

و انام لبضع سويعات و اهلوس فيها بالامر

استيقظ منها مجبورا و اعود لمنطقة الحظر

انظر للساعة فأجدها قد قرعت اجراس الخطر

لم يبقى الا لحظات لاواجه في القاعة قدري

و ذهول حولي يرهبني وقلوب يملؤها الذعر

في القاعة يجلس استاذ و يركز جدا في النظر

و الطالب فيها مسكين في يده اسئلة الغدر

لازال بصمت يملؤها لا ادري ابدا لا ادري

لم اعرف ان مصادرها وصلت بالفاكس من القمر

اخرج و الخيبة تصحبني مكسور الرقبة و الظهر

و غدا سنعود لموقعنا نتلقى هجمات التتر

ما عاد الامر يخوفنا سنريهم هزات الخصر

قد مات الحلم بداخلنا فمن التسعين الى الصفر

منقولة

[b][i]جامده طحن ياشوقي
بس ياريت تكتب المصدر
انت 100 100

ربنا يخليك يا دكتور محمود وشكرا على المرور وحكتب المصدر بعد كدة اوعدك ان شاء الله

جميلة اوي يا شوقي شكرا ليك

شكرا ليك على المرور والرد الجميل دة

جميلة د. شوقى
بس على فكرة ديه معاناة واحد بيجيب امتنياز اكيد .

الف شكر على مرورك د شيماء ...

دى معاناة كل طالب دخل الكلية دى شواء برضاة او رغم انفة
مثلىىىىىىىىىىىىىىىىى

حلوه جدا
بس حزينه اوي

الف شكر يا دكتورة انوش على المرور

ايه ده يابنى والله قطعت قلبى وفكرتنى بنفسى بس اللى يشوف مذاكرة الناس تهون عليه مذاكرته

تصدق معاك حق والله العظيم

بعد كل المذاكرة والدح دة كلة الواحد يطلع بحتة امتياز بس

بذمتك مش حاجة تزعل

ايه يا مان الجمال ده Smile

بس ما كنتش اعرف انك دحيح كده Shocked

انا اتصدمت فيك Sad

شوقى انت بجد بدح ولا ايه؟؟ affraid

انا كنت فاكرها قصيده تخيلية كده.. يعنى بتصف معاناة واحد بعيد عننا من الناس الدحيحه؟ scratch

انا كدا ممكن اغير رأى فيك

أنا بشبه
هو مش حضرتك برضه اللي بتكتب المحاضرات
ولا انا غلطانه ؟؟؟؟؟؟؟؟؟

طيب ممكن اسال انتى بتشبهى لية او اللى اللى شد انتباهك؟؟؟؟

اللي شد انتباهي
اولا الاسم لأنه كان بيبقي مكتوب في ورق المحاضرات
ثانيا الشعر لانه كان دايما بيبقي مكتوب في نهايه كل محاضره قصيده
صح ولا انا غلطانه؟

علي العموم شد حيلك كلها سنه ونخلص

احب اقولك ياس

انا اللى بكتب الورق وربنا يسهل على الجميع السنة اللى فاضلة دى
وشدى حيلك انتى كمان
اول مرة الاقى حد كان بيجيب ورقى بس يارب يكون سترها وعجبك الورق

ومنتدانا اتشرف بيكى دكتورة انوووووووش صديقة لينا كل اعضاء المنتدى واتمنى اشوف اعمالك

بصراحة القصيدة فوق الرائعه و اختيار التوقيت لنزولها ممتاز خصوصا في أيام الضياع و الاكتئاب اللي بنعيشها اليومين دول
موفق يا دوكتور
و بعدين أنا عن نفسي عرفت انك اللي بتكتب المحاضرات من حاجتين
أولا:انك كاتب الايميل بتاعك على الورق اللي هو بنفس الاسم اللي حضرتك داخل بيه المنتدى
ثانيا:أبيات الشعر اللي في نهاية المحاضره اللي بتبين اهتماماتك الشعريه
ومن اولا و ثانيا ينتج ان:؟؟؟؟؟
انت الشخص نفسه الي بيكتب المحاضرات
ه.ط.ث

و بعدين صحيح يا دوكتور فين المنتدى الشعري اللي قولتلي عليه
أنا مش قولتلك اتمنى يكون الكلام ده حقيقي و بالفعل طلع تمني أي مستحيل المنال
أنل قولت برده صيدلة أكبر من ذلك Razz

» جدول رابعة صيدلة (خلال شهر رمضان)
» سيرة على بن أبي طالب للدكتور الصلابي كتاب الكتروني رائع