صور لبعض المكنات الى فى الصيدلة الصناعية

السلام عليكم ورحمة الله

دى بعض الصور اللى ممكن تفيدكم فى الصيدلة الصناعية

اولا

high shear mixer

صور لبعض المكنات الى فى الصيدلة الصناعية 25091097

اسمها التجارى diosna ودى مكنة المانى وبيسموها فى المصنع اللهلوبة علشان بتعمل كل حاجة

mixing و granulation زى ما خدنا فى المحاضرات

ثانيا

compression

صور لبعض المكنات الى فى الصيدلة الصناعية 87478919

دى مكنة اسمها فتا ودى مكنة المانى بتعمل كبس للحبوب ودى بردة خدناها مع دكتورة هدى المحاضرة التانية

يتبع ان شاء الله

ثالثا

fluidizing bed drayer

صور لبعض المكنات الى فى الصيدلة الصناعية 29980342

ودى زى ماخدنا فى المحاضرات ممكن تعمل drying و mixing وكمان تستخل ك granulator

رابعا

tablet coating machines

صور لبعض المكنات الى فى الصيدلة الصناعية 79985851

خامسا

clitt tablet compression

دى برده مكنة كبس اسمها التجارى clitt ودى للامانة انا ماشفتهالشفى الحقيقة بس الفيــتا اللى فى الاول مكنة جميله وشغلها بسييييط

صور لبعض المكنات الى فى الصيدلة الصناعية 40356647

سادسا

وحدة الوزن المركزى

صور لبعض المكنات الى فى الصيدلة الصناعية 47193957

dispinsing unit

ودى الوحدة اللى بيوزنوا فيها المواد قبل توزعها على الاقسام

وفى القسم ده بيخافوا جدا من ال cross contmination بين المواد وبعضها علشان كدا بيبقا فى اجراءات اكثر حرصا فى دخول المواد وخرجها

زى ما قلى الدكتور فى القسم ده قالى لو عندك سكر وملح لو جه حاجة منهم على بعض الاتنين حيبوظوا

وطبعا المواد بتبقا غالية جدا دى حاجة تانى حاجه بتكون بكمية كبيرة

وزى ماقلى الدكتور هناك الغلطة هنا فيها قطع رقااااب

يتبع ان شاء الله

الله عليك يا دكتور

دايما مواضيعك احلى من بعضها

لكن قلى

انت تقصد بال CONTAMINATION بين المواد وبعضها بس

ولا contamination بmo كمان

حاجه كمان

انت اللى واقف فى الصور دى؟ Very Happy

بجد شكرا جميلة جدا الصور بس كنت عاوزة اعرف
u mean that compression = roter tableting machine?
اصل الريسيرش بتاعي عنهم ولو هي هستفيد بالصورة

احب ارد يا دكتوره

اولا
TABLETING MACHINE = MACHINES THAT MAKE COMPRESSION TO POWDERS TO MAKE ATABLET
ثانيا
roter tableting machine
دى نوع واحد من انواع ال machines اللى بتعمل tableting

وفى انواع تانيه كتير حتلاقيها فى محاضره د/هدى التانيه

على فكره انا عندى نفس الموضوع وجبت حجا ت كتير لو محتاجه مساعده

مجهود رائع يا دكتور حازم
انا كنت بدرب في فاركو وشفت المكن ده
بس الدكتور مرضاش يخليني اصور
شكرا جزيلا

m.magdy_pharma كتب:: الله عليك يا دكتور
دايما مواضيعك احلى من بعضها
لكن قلى
انت تقصد بال CONTAMINATION بين المواد وبعضها بس
ولا contamination بmo كمان
حاجه كمان
انت اللى واقف فى الصور دى؟

ربنا يخليك ياباشا

ال crosscontamination بيكون بين المواد وبعضها لكن ال contamination بال m.o متهيقلى بعيد

جدا علشان المصنع متقسم ل classes يعنى فى كل منقطة بيكون فيه عدد محسوب من ال m.o وبالذات وحدة

الوزن المركزى بتبقى class b على ما اعتقد فبيبقا عدد ال m.o قليل جدا نظرا لوجود كذا فلتر زى hepa

filter اللى بينقى الهواء بستمرار تحت الميزان.. ان شاء الله لو فيه وقت ابقا اكلمكم على ال classes دى بالتفصيل الممل

لا للاسف مش انا اللى واقف مع انى ليا صور كتيرة جنب الاجهزة لو اتزنقت فى صور اجهزة بعد كدا ممكن احط اللى فيها صورى بس ادعيى يارب ماتزنقش

dr_enas كتب:: بجد شكرا جميلة جدا الصور بس كنت عاوزة اعرف
u mean that compression = roter tableting machine?
اصل الريسيرش بتاعي عنهم ولو هي هستفيد بالصورة

جزاكى الله خيرا يا دكتورة

مكنة ال fette اللى موجودة فى الصورة هى فعلا rotar tableting machine لو مكنتش غلطان

وعلى فكرة النوع ده هة اللى بيبقى موجود فى المصنع او بالاخص فى ال production area علشان بيدى انتاج كبير جدا × الساعه

اما النوع الاول اللى هو بيكون one dye بس ده انا شوفته فى الابحااااااااث وبيبقى عامل زى مكنت عصر البرتقال القديمة دى لو متخياها ودى بيستخدموها لو عايزين يكبسوا كدا شوية بودر علشان يعملوا عليه اختبار بسيط كدا

bestaaa كتب:: احب ارد يا دكتوره

اولا
TABLETING MACHINE = MACHINES THAT MAKE COMPRESSION TO POWDERS TO MAKE ATABLET
ثانيا
roter tableting machine
دى نوع واحد من انواع ال machines اللى بتعمل tableting

وفى انواع تانيه كتير حتلاقيها فى محاضره د/هدى التانيه

على فكره انا عندى نفس الموضوع وجبت حجا ت كتير لو محتاجه مساعده

جزاك الله خيرا دكتور سيد

annosh كتب:: مجهود رائع يا دكتور حازم
انا كنت بدرب في فاركو وشفت المكن ده
بس الدكتور مرضاش يخليني اصور
شكرا جزيلا

جزاكى الله خيرا دكتورة ايمان على فكرة فدامى لغو تدريب ناس كتير اوى علشان كانوا بيصووا لكن على مين انا اتصورت فى كل شبر فى المصنع

على فكرة يا جماعة المراحل بتاعة ال compression اللى احنا اخدناها مش بتبان ابدا قدام

الماكنة الحكاية بتم بسرعة جدا لدرجة انك مش بتلاحظ غير البنشات طالعة ونازلة والاقراص

بتطلع من الناحية التانية لكن الماكنة اللى ممكن تشوف فيها المراحل كلها هى مكنة تعبية الكبسول

وكمان ال syrup ودول ان شاء الله حكلمكم عليهم بعدين

المهم

بعد اما ال tablet بيطلع من مكنة الكبس بيبقا علشه بقايا powder فلازم يدخل على مكنه

اسمها ال deduster علشان تشيل بقايا البودر دى وفيها ال tablets بيمشى عكش الجازبية

ويقعد يتهزر كدا على سير ويطلع زى ماقلنا عكش الجاذبية من فوق لتحت لغاية اما كل البورد يقع

دى صورة ال deduster ولو تلاحظوا السير الحلازونى اللى جواها ده اللى بيمشة فيه ال tablets

صور لبعض المكنات الى فى الصيدلة الصناعية 769

بعد اما ال tablet يطلع بقا من ال deduster يبقا جاهز للتغليف بقا وان شاء الله حكلمكم عليه لو فيه وقت

كل نص ساعة على فكرة بيجى كميائى من ipc يعنى in process control بياخد عينة

من التابلت اللى طالعة من الماكنة ويعمل عليها تجارب زى اللى خدناها فى اولى برده لو فيه

وقت حكلمكم عليها بعدييييين

معلش ازم اقوم علشان دكتور سيد بيستعجلنى علشان قاعدين × سيبر

جزاك الله خيراَ د.حازم على هذا المجهود الرائع .
فى انتظار المزيد من هذه المواضيع المفيدة والشيقة بالفعل .

د.شيماء كتب:: جزاك الله خيراَ د.حازم على هذا المجهود الرائع .
فى انتظار المزيد من هذه المواضيع المفيدة والشيقة بالفعل .

جزاكى الله خيرا د/ شيماء ان شاء الله اكمل الموضوع

ان شاء الله النهارده حخدكم فى جولة سريعة داخل قسم الاشربة فى المصنع

على فكرة القسم ده من احلى واجمل الاقسام اللى ممكن تقف فيها فى المصنع لان شغلة سهل وكمان فى المصانع بيكون القسم ده شغال علطول وخطوط الانتاج مش بتقف

يعنى زى مثلا شركة البرج ماشاء الله مش بتوقف خط انتاج ال alvent syrup ابدا

وكمان شركة الاروبية مش بتوقف انتاج ال toplexil ايوه التوبلكسيل بتاع الكحة دول كمان عندهم خطين انتاج

ماشاء الله

المهم تعالوا نبدأ من الاول اول ما تخش القسم ده وتلبس ال over head وال over shoes تدخل على قسم اسمة ال syrup preparation يعنى التحضير وبيتم التحضير طبعا طبقا لحاجة اسمها ppr

ال PPR ده هو قصة انتاج المستحضر اللى احنا حنحضرة بيبقى فية كل حاجة من الالف للياء يعنى ان حتحط كذا وبعدين كذا وبعدين تسخن عن كذا وفى الخطوة دى تعمل ضغط عند كذا يعنى كل حاجة من الالف للياء فعلا.

المهم انت دلوقتى واقف فى قسم بيقولوا عليه فى المصنع وحدة الديزل لانه عبارة عن 4 تنكاات او اكتر

بس كل تنكين لوحدهم زى كدا

صور لبعض المكنات الى فى الصيدلة الصناعية RCP_8_AP

اول تنكين مثلا رقم 1 ورقم 2 بيتم فيهم التحضير والاتنين الاتنين بيتخزن فيهم ال syrup عقبال ما يتنقل لقسم التعبئة وحنكلم عليه ان شاء الله.

المهم ان دلوقتى واقف بين التنكات اعرف منين ان ده تنك تحضير ولا تنك تخزين

حعرف ازاى؟

من حجتين ان tank التحضير بيبقا double jacket علشان لو عزنا نسخن اثناء ال procedure

طبعا فى تنك التخزين مش بتبقى موجودة الميزة دة لان فى تانك التخزين خلاص ال syrup اتحضر وكلة تمام على التعبية وبس

كمان فى تنكات التحضير يبقا موجود انابيب نيتروجين لة عايزين نعمل pressure اثناء ال procedure برده وده مش موجود فى تنكات التخزين

طبعا القسم ده بيبقا فيه تحكم كامل بالكمبيوتر يعنى حنقل من تنك 1 ل3 بعد وقت اد ايه غير كدا كمان بتبقا الاوضة كلها مرسومه فى الكومبيتر يعنى لو فيه Touch screen ممكن تحس انك بتلعب اتارى مش بتحضر مستحضر حينزل فى السوق

الصورة الجاية دة ملهاش علاقة بموضوعنا بس هى شبة بالضبط الصورة اللى بتبقى ظاهرة على الكومبيتر علشان تتخيلوا

صور لبعض المكنات الى فى الصيدلة الصناعية Greasel_installation

خلاص بعد اما يحضر كل حاجة وكل حاجه معمولة حسب ال PPR بوديها بقا الى تنك التخزين

على فكرة مش معنى التخزين ان ال syrup يتخزن يوم او يومين لأ طبعا مجرد ساعات بس على الاكتر عقبال ما يحضروا قسم التعبئة اللى ان شاء الله حنكلم علية المرة الجاية

وده شوية صور للى لسة مش متخيل الموضوع

صور لبعض المكنات الى فى الصيدلة الصناعية VascheFermentazione

صور لبعض المكنات الى فى الصيدلة الصناعية Large_IMG_0199

يارب يكون الموضوع واضع

الله ينور يادكتور ياكبيرنا...

راءع جدا الله يعطيك العافية والى الامام

اقتباس :: راءع جدا الله يعطيك العافية والى الامام

جزيت خيرا على التشجيع والكلام الحلو ده

جزاك الله كل خير د. حازم
حقيقى الموضوع مفيد جدا
بيفكرنا بايام التدريب الصيفى هى كانت ايام حلوة جدا بس للاسف
انا لاحظت ان دور الصيدلى صغير جدا كمان عدد الصيادلة يكاد يكون
3 فقط فى قسم الproduction كله دة بالنسبة لشركة الفرعونية

تسلم ايدك يادكتوربس تهيالى انى مش فاهمة حاجةدا يمكن لانى ماخذتش صيدلة صناعية لسةعلى العموم انا لسة فى الفرقة الثالثةبس والله موضوع جامد اوى

» الصيدلة وتاريخها