الجنيه بخمسه دولار ونص

الجنيه بخمسة دولار.. ونص

منذ فترة ظهرت مشكلة كبيرة في العملة الصعبة خصوصا بعد انهيار الجنيه أمام الدولار بالضربة القاضية, فاجتمعت هيئة الحشاشين الحكومية لمناقشة القضية .. و كان ما يلي ........

********

- ايه اللي حصل للجنيه ده؟.. دي عمرها ماحصلت
- فعلا الجنيه دلوقتي بقي يساوي خمسة و تلاتين قرش بالكتير
- يا جماعة الجنيه محسود و معمول له عمل على رجل جمل وعشان يتفك و يرتاح لازم يتقطع من تمساح.. شيللاه يا اسيادنا
- طب و الحل يا جماعة؟
- لازم نبخّر وزارة المالية

********

قام عضو و قال:

- يا جماعة دي ناس مؤمنة, كاتبين على ضهر الدولار "نحن نثق بالله" أما احنا حاطين صور أصنام و العياذ بالله , البلد دي مش هاتشوف خير أبدا
- يا عم انت اهدا, دي مش أصنام و بعدين ماحنا حاطين من قدام على كل العملات صور جوامع و مآذن و كلها تقوى و ايمان.. شفت الجامع اللي على العشرة جنيه , حاجة تفرح و الله
- لازم اولا نعمل كونصلتو للجنيه , الجنيه كَش و صغر و بقى شبه النص جنيه و الدولار كبير و ورقته أكبر من كف الأيد
- يبقى نكبر حجم الجنيه عشان يبقى قد الدولار بالضبط, و ساعتها يبقي ماحدش أحسن من حد
- كمان الجنيه لونه أصفر و هزيل زي ما يكون عنده السل , أما الدولار لونه أخضر مزهزه و الخير باين عليه
- خلاص , يبقى نغيّر لون الجنيه و نخلّيه أخضر عشان الخير يعم و عندنا المطابع و الحبر و الورق, مافيش مشكلة.

********

قام رئيس الحشاشين و قال:

- حيث كده بقي ماتيجي نختصر و نطبع دولارات بدل الجنيهات, و اهي أكسب .
- فكرة ممتازة يافندم , ساعتها الدولار يكتر و ما يلاقيش حد يشتريه و سعره ينزل الأرض .
- و الجنيه يغلا و يبقى بخمسة دولار و نص
- و تيجي تصرف جنيهات من البنك الموظف مايرضاش , و يقول لك الجنيه دا عملة صعبة .. ممكن تصرف بالدولار .
- طيب و التضخم ؟؟
- التضخم دا هايبقي هناك في أمريكا ( ربنا يهدها ) تفضل تتضخم تتضخم لحد ما تفرقع ان شاء الله
- و ممكن ساعتها نعمل صفقة مع بوش على طريقة الأفلام العربي
- إزاي؟
- هو ييجي بشنطة البضاعة و واحد مننا يروح بشنطة الدولارات اياها , و في محطة مترو محمد نجيب جنب شباك التذاكر يتم تبادل الشنط و يروح على بلده بالدولارات المضروبة .
- و نقوم فاقعينه مهموز و نبلّغ عنه يقوم يتقفش في المطار و يتحبس و نخلص بقي من وش أمه النحس ده و من أذاه .
- و الله فكرة

********

و تم الاتفاق علي أن تطبع الحكومة شوية دولارات تفك بيهم زنقتها.. و بعد أن طبعت كمية تجريبية جئنا بخبير عالمي في التزييف و التزوير ليبدي ملاحظاته على الدولار المصري ... فقال :

إن ما تحقق على أرض مصر هو إنجاز غير مسبوق تاريخيا , و الدولار المصنوع محليا متقن للغاية و ممكن يغش أي هاو و لكن هناك عدة ملاحظات بسيطة يجب مراعاتها في الطبعة الثانية و ذلك للوصول بالانتاج المصري من الدولار إلى الكمال

أولاً: لا يوجد عملة قيمتها تسعة دولار
ثانياً: الدولار الأمريكي لا يحمل صورة روبي بالزي الفرعوني
ثالثاً: لا يوجد دولار مكتوب عليه: البنك المركزي المصري

غير هذا لايوجد فرق بين الدولار الأمريكي و الدولار المصري و ربنا يوفق بلدنا للخير دائما

********

و بالفعل أخذت الحكومة برأي الخبير و يتم الآن تلافي الأخطاء الصغيرة السابق ذكرها
و حين يتم طبع الدولارات الجديدة ( و هذا بيني و بينكم ) يمكننا الإبلاغ عن الحكومة بتهمة إصدار عملات مزيفة, و بكده نرتاح من الحكومة لمدة عشرين سنة بالميت.. قولوا آمييييين

تحياااااااااااااااااتي

والله هم يضحك وهم يبكى

فعلا الجنية المصرى بقا فى الارض.

وقعدوا يقلولنا تعويم الجنية تعويم الجنيه لغاية اما غرق

ربنا يهدينا ويهدى الحكومة يارب

اقتباس :: أولاً: لا يوجد عملة قيمتها تسعة دولار
ثانياً: الدولار الأمريكي لا يحمل صورة روبي بالزي الفرعوني
ثالثاً: لا يوجد دولار مكتوب عليه: البنك المركزي المصري

لا وشفت كمان حتي الغش مش فالحين فيه
شكرا لمرورك يا دكتور حازم

لا حكاية الغش مش فالحين فيه دى انا عارفها من زماااااااااان

وبشفها فى كل حته علشان علطول اللى بيعمل الحاجه فى مصر مش بيبقى متخصص

يعنى اى حد يعمل اى حاجه وخلاص

ده شعارنا فى مصر

السلام عليكم ورحمة الله وبركاته

أختى الفاضلة د. إيمان

أرى أن السبب الرئيسى لما نحن فيه(محق البركة ) هو أنفسنا

قال تعالى: ﴿وَلَوْ أَنَّ أَهْلَ الْقُرَى آمَنُوا وَاتَّقَوْا لَفَتَحْنَا عَلَيْهِمْ بَرَكَاتٍ مِنْ السَّمَاءِ وَالْأَرْضِ وَلَكِنْ كَذَّبُوا فَأَخَذْنَاهُمْ بِمَا كَانُوا يَكْسِبُونَ﴾ [الأعراف].

انظرى أختى الكريمة بركات لم يقل الله تعالى انه سوف يغفر لهم , يدخلهم الجنة .......
ولكن الله عزوجل بين لنا الجزاء الدنيوى وهى البركة فى العيش لهم قبل الجزاء الأخروى .

وبالتالى فما نحن فيه هو بما كسبت أيدينا من معاصى وذنوب وعدم إقامة لشرع الله , لقد تخلينا عن منهج الله , فماذا ننتطر ....الخير والسعادة .....أم ماذا !!!!!!!

اقتباس :

قام عضو متشدد دينيا و قال:

- يا جماعة دي ناس مؤمنة, كاتبين على ضهر الدولار "نحن نثق بالله" أما احنا حاطين صور أصنام و العياذ بالله , البلد دي مش هاتشوف خير أبدا
- يا عم ابو لهب انت اهدا, دي مش أصنام و بعدين ماحنا حاطين من قدام على كل العملات صور جوامع و مآذن و كلها تقوى و ايمان.. شفت الجامع اللي على العشرة جنيه , حاجة تفرح و الله .

أختى الكريمة أتمنى أن لا نعيب فى أى إنسان متدين حتى لو على سبيل الفكاهة وجزاكِ الله خيراً .

اقتباس :: علطول اللى بيعمل الحاجه فى مصر مش بيبقى متخصص

يعنى اى حد يعمل اى حاجه وخلاص

عندك حق ربنا يستر علي البلد دي والله

اختي الفاضله الدكتوره شيماء
شكرا لمرورك الكريم
معك كل الحق فعلا البركه اختفت من مجتمعنا

[color=#dda0dd]

اقتباس :: [color:f34b=#dda0dd:f34b]أختى الكريمة أتمنى أن لا نعيب فى أى إنسان متدين حتى لو على سبيل الفكاهة وجزاكِ الله خيراً

.

انا لا أعيب في احد يا دكتوره
أنا مقدرش أعيب اصلا في اي رمز ديني ولا غير ديني

انما محور الموضوع كله يلتف حول الحاله الاقتصاديه فقط
وذلك في اطار كوميدي
وعلي فكره الموضوع منقول
ويا رب مكنش ضايقت حد

أختى الكريمة د. إيمان
الإختلاف فى الرأى لا يفسد للود قضية
أنا أرى أن الإنسان عندما ينقل أى موضوع فيجب أن يكون له بصمة فيه وليس مجرد ناقل فقط .
أنا لا أعرف من الذى كتب الموضوع ولكن حضرتك التى نقلتيه فمحور النقاش يكون مع حضرتك لأنك بما انك نقلتيه فإذن أنتِ مقتنعة بكل كلمة فيه .

أنا بقول ياأختى الفاضلة أن احنا بنزعل من الغرب أما يسخروا من ديننا , ويقولوا على سبيل الفكاهة وحرية الفكر , فمن الأولى أن لا نتخذ من المتدين حاجه للفكاهة ونقول عليه أبو لهب.(هو المتشدد دينياً يبقى أبو لهب ) ولا ايه !!!!!

فياريت نبعد أما نفتح موضوع كوميدى عن الدين ونشوف أى حاجة تانية .

ولكى منى جزيل الشكر .

اقتباس :: أنا بقول ياأختى الفاضلة أن احنا بنزعل من الغرب أما يسخروا من ديننا , ويقولوا على سبيل الفكاهة وحرية الفكر , فمن الأولى أن لا نتخذ من المتدين حاجه للفكاهة ونقول عليه أبو لهب ( هو المتشدد دينياً يبقى أبو لهب ) ولا ايه !!!!!.

أنا لا اسخر من ديني يا دكتوره
أنتي متعرفينيش عشان تقولي كده

وبعدين كل اللي مضايق حضرتك كلمه متشدد طاب ما هو معروف ان في اي ديانه فيها ناس متشددين ومتطرفين دي معروفه جدا

حصل خير يا جماعة

دكتورة ايمان ممكن نشيل كلمة عضو متشدد دينيا من الموضوع ومش حتأثر على هدف حضرتك من الموضوع؟

وزى ماقلتم كلنا اخوة

جزاكم الله خيرا

أنا معنديش مشاكل
وشكرا يا دكتور علي محاوله حضرتك للاصلاح

تم التعديل

جزاكم الله خيرا

دكتور حازم كتب:: حصل خير يا جماعة
دكتورة ايمان ممكن نشيل كلمة عضو متشدد دينيا من الموضوع
وزى ماقلتم كلنا اخوة
جزاكم الله خيرا

الجنيه بخمسه دولار ونص I219406695_41658_7

أختى الفاضلة د. إيمان

أنا لاأقصد مضايقتك , وسبب تحمسى فى الرد على هذا الموضوع هو غيرتى على الدين ليس أكثر , فإنى لا أحب أن نتخذ من الشخص المتدين شئ للفكاهة .

وكما تقول الحكمة " رحم الله إنساناً أهدى إلىّ عيوبى "

وكما ذكرت لكِ قبل ذلك " إن الإختلاف فى الرأى لا يفسد للود قضية "

الجنيه بخمسه دولار ونص I219810845_76153_7

حصل خير يا دكتوره ولا يهمك

اقتباس :: وكما تقول الحكمة " رحم الله إنساناً أهدى إلىّ عيوبى "

شكرا

ولك هذه

الجنيه بخمسه دولار ونص 2384z

مشكووووووووووور

على موضوعك الجميل وقلمك المميز

وجزاك الله خيرا

تقبل مرورى

عاشق التحدى