قصة طلاق مضحكة

موضوع: قصة طلاق مضحكة الجمعة أغسطس 31, 2007 2:29 pm

قصة طلاق مضحكة .. رغم ان الزوجة رائعة !!

هناك رجل طلق زوجته .. لا لعيب خُلقي فيها وانما لأنه يعتقد بأنها نذير شؤم عليه ... وفي المحكمة ... وقف الزوج امام القاضي يحكي ويشكي ويشرح اسباب ودوافع الطلاق حتى لم يدع شيئاً لم يقله ..

بينما وقفت الزوجة الصامته ولم تنطق بكلمة ... قال الزوج .. تصور يا سيادة القاضي .. اول يوم رأيتها فيه كانت في زيارة الى بيت الجيران فأوقفت سيارتي عند الباب الخلفي وذهبت لأتلصص من بعيد، وما هي الا ثوان حتى سمعت صوت اصطدام عظيم فهرعت لأجد عربة جمع القمامة قد هشمت سيارتي. وفي اليوم الذي ذهب اهلي لخطبتها .. توفيت والدتي في الطريق وتحول المشوار .. من منزل العروس الى مدافن العائلة .. وفي فترة الخطوبة كنت كل مرة اصطحبها الى السوق يلتقطني الرادار. واذا حدث وخففت السرعة استلمت مخالفة مرورية بسبب وقوف في مكان ممنوع !! فهل هذا طبيعي سيادة القاضي ..؟!

ويوم العرس شب حريق هائل في منزل الجيران، فامتدت النيران الى منزلنا والتهمت جانباً كبيراً من المطبخ. وفي اليوم التالي جاء والدي لزيارتنا فكسرت ساقه، بعد ان تدحرج من فوق السلم ودخل المستشفى وهناك قالوا لنا انه مصاب بداء السكري على الرغم من تمتعه بصحة جيدة واخذناه للعلاج الى الخارج ولم يعد يومها للبلاد ... الى الآن. وكلما جاء اخي وزوجته لزيارتنا، دب خلاف مفاجئ بينهما، واشتعلت المشاجرات واقسم عليها بالعودة الى بيت اهلها. وكانت كل عائلة تهمس لي بأن زوجتي هي سبب المصائب التي تهبط علينا، لكنني لم اكن اصدق فهي زوجة رائعة وبها كل الصفات التي يتمناها كل شاب .. لكن يا سيادة القاضي .. بدأت ألاحظ ان حالتي المادية في تدهور مستمر وأن راتبي بالكاد يكفي مصاريف الشهر، وبالامس فقط، فقدت وظيفتي .. فقررت الا ابقى هذه الزوجة على ذمتي ..!

فأمر القاضي أن يرد زوجته الى عصمته وأقنعه بأن كل هذه الحوادث طبيعية لا دخل لها فيها، وأن تشاؤمه منها مبعثه اللمز المتواصل عنها. لكن قبل ان يغادر الرجل القاعة مع زوجته، تسلم القاضي رسالة بإنهاء خدماته .. فعاد القاضي ونادى على الزوج .. وقال له .. اقولك .. طلقها يا ابني .. طلقها .. طلقها بسرعة ..

منقول

مش بالله عليكوا شر البلية ما يضحك .

بجد فعلا شر البلية ما يضحك

انا كنت خلاص اقتنعت بكلام القاضى فى الاول انها ملهاش دعوة وان دي احداث طبيعية

بس فى الاخر مش عارف بقا اقول ايه؟؟

كده يا دكتوره تحطي الموضوع بتاع الست النحس دي هنا

انتي عايزه المنتدي يقفل pirat

annosh كتب:: كده يا دكتوره تحطي الموضوع بتاع الست النحس دي هنا

انتي عايزه المنتدي يقفل

جت سليمة , ما تخفيش يا د. إيمان
المنتدى متحصن بالمعوذتين والحمد لله .

طبعا كل اللى فى قاعه المحكمه جالهم اخبار وفاه

وهما قاعدين فى مكانهم Smile

القصة طبعا مضحكة جدا بس إياكم والطيرة (التشاؤم) مهما حصل أكيد ربنا هو اللى عايز كده مافيش حاجة اسمها نحس لكن اللى مثبت فعلا هو الحسد لأن فعلا العين تفلق الحجر بس ما أخبيش عليكم فيه مواقف فعلا بتخلى الواحد غصب عنه يقول ان الشخص ده نحس بس لازم برضه من جوانا نبقى عارفين ان مافيش حاجة اسمها نحس ولا ايه؟

ahmed fikry el-daly كتب:: القصة طبعا مضحكة جدا بس إياكم والطيرة (التشاؤم) مهما حصل أكيد ربنا هو اللى عايز كده مافيش حاجة اسمها نحس لكن اللى مثبت فعلا هو الحسد لأن فعلا العين تفلق الحجر بس ما أخبيش عليكم فيه مواقف فعلا بتخلى الواحد غصب عنه يقول ان الشخص ده نحس بس لازم برضه من جوانا نبقى عارفين ان مافيش حاجة اسمها نحس ولا ايه؟

أنا متفقة مع حضرتك تماماً .

انا معاك برده يا دكتور احمد جزاك الله خيرا

جزاكم الله خيرا ..ضحكت فى البداية يا دكتورة..لكن مش عارف ليه حسيت بحزن فجأه ..هوفعلا النبى عليه الصلاة والسلام نهى عن الطيرة والتشاؤم ..لكن قال عليه الصلاة والسلام فى حديث ءاخر (إنما الشؤم فى ثلاث البيت والمرأه والدابة)يعنى ممكن فعلا تكون الست دى شؤم عليه..أسأل الله أن يصلح بيوت المسلمين...

قصه حلوه جدا يس هي فعلا حقيقيه وهو ممكن حد يكون نحس بالطريقه ديه

انا شايفه انها ممكن تكون مجرد ظواهر او صدف و اعتقد ان مفيش حد نحس للدرجه ديه
انا مش عارفه ممكن حاجه زي جيه تحصل الله اعلم بس هي قصه حلوه

مشكووووووووووور

على موضوعك الجميل وقلمك المميز

وجزاك الله خيرا

تقبل مرورى

عاشق التحدى

مش خايفه يادكتورة على نفسك اولا وانتى بتحكى القصه دى ومش خايفه علينا واحنا بنقراها على العموم هيه مضحكه